پاکستان کے جوہری ہتھیاروں کو اصل خطرہ دہشت گردوں سے نہیں فوج سے ہے

واشنگٹن : ہندوستان کے سابق قومی سلامتی کے مشیر شیو شنکر مینن نے کہا ہے کہ پاکستان کے جوہری ہتھیاروں کو اصل خطرہ دہشت گرد تنظیموں سے نہیں ، بلکہ اس کی فوج میں موجود غیر مستحکم عناصر سے ہے ۔ مینن نے کہا کہ دہشت گردوں کے پاس تباہی مچانے کے لئے نسبتا سستے اور آسان ذریعے ہیں ۔ جوہری ہتھیار پیچیدہ آلات ہیں ، جن کا انتظام کرنا ، استعمال کرنا اور پہنچانا مشکل ہوتا ہے اور اس کے لئے اعلی



سطح کی مہارت کی ضرورت ہوتی ہے ۔ مینن نے اپنی کتاب چوائسس انسائڈ دی میکنگ آف انڈياز فارن پالیسی میں کہا کہ میرے اعتبار سے (جوہری ہتھیاروں کو) اصل خطرہ اندر کے لوگ ، کسی پاکستانی پائلٹ یا کسی ایسے بریگیڈیئر سے ہے ، جو حکم دیے جانے پر یا اس کے بغیر ہی جوہری لڑائی شروع کرنے کا فیصلہ کرتے ہیں ۔ انہوں نے کہا کہ دنیا میں واحد پاکستان کا ایسا جوہری ہتھیار پروگرام ہے ، جس پر صرف فوج کا کنٹرول ہے